எந்திரன் - கோடிகளில் கொள்ளை

எந்திரன் - விமர்சனம் என்ற உடனே, படம் வெளியாகி இத்தனை நாட்களுக்கு பிறகா!! என யாராவது வாயை பிளந்தால் நான் பொறுப்பல்ல, ஏனெனில் எனக்கு விஷேஷ தகுதியுண்டு, யாதெனில் நான் இன்னமும் எந்திரனை பார்க்கவில்லை, படமே பார்க்காமல் விமர்சனமா-உங்கள் கேள்விகள் என் காதில் விழுகிறது, என் பதில் ஆம்,

ஒவ்வொரு விமர்சகரும் தங்களுடைய அளவு கோல்கள் மூலம் அப் படத்தை இகழ்ந்தும், புகழ்ந்தும் பந்தாட, நான் எனக்கே உரிய கோல்களை கொண்டு அளக்க முற்பட்டதன் விளைவு, இந்த பத்தி,
சமீபத்தில் மாநகராட்சி அந்தஸ்து கொடுத்து அழகு பார்த்த நகரம், கிட்ட தட்ட 25 - க்கும் மேற்பட்ட திரையரங்குகளை தன்னகத்தே கொண்டு வேலூர் மக்களின் கலை பசியை போக்கி வருகிறது, இதில் பல திரையரங்குகள் காதலர்களுக்கும், காமுகர்களுக்கும் எழுதப்படாத சரணாலயமாக மாறிபோயிருக்கும் வேளையில், எந்திரன் என்ற வெகுஜன ரசிகர்களுக்காக எடுக்க பட்ட படம் சக்கை போடு போடுகிறதாக கேள்வி, அனைத்து சென்டர்களிலும் பல கோடிகளை அள்ளிய இப்படம் கண்டிப்பாக வணிக ரீதியில் தோல்விப்படம் கிடையாது ஆனால் இது நல்ல படமா என்பதை பற்றிதான் கேள்வியே.,,

எங்கள் ஊரில்  ப்ளு  என்று  ஒரு  திரையரங்கு  உள்ளது,  அதன்  விசேஷம்  என்னவெனில், வேலூரில்  ரிலீஸ்  செய்த  என்ன  படமானாலும்  அதன்  இரண்டாம்  வெளியீடு  இந்த  தியேட்டரில்தான், ஒரு  படம்  வெளியாகி  இந்த  ப்ளு  தியேட்டருக்கு  எத்தனை  நாட்கள்  கழித்து  வருகிறது, என்பதை  பொறுத்துதான்  அந்த  படத்தின்  வெற்றி  என்னை  பொறுத்தவரை  தீர்மானிக்கப்படுகிறது,இதோ  உலகமே  கொண்டாடிய  (அல்லது  கொண்டாட  நிர்பந்திக்கப்பட்ட ) எந்திரன்  எங்கள்  தியேட்டருக்கு  மிக  சீக்கிரத்தில் வந்து  சேர்ந்த்தது (நீங்களே யூகித்துகொள்ளவும்) , அதன்  வசூல்  சொல்ல  வேண்டியதில்லை, தமிழ்  நாட்டை  கூறு  போட்டு  சுரண்டி  ஊழல்  புரிந்த , புரிகிற , நபர்களையும் , நபரையும்  தன்னகத்தே  கொண்ட  பல  கட்சிகளில், இன்று  நாட்டை  ஆளும்  கட்சியின்  மற்றும்  குடும்பத்தாரின்  மற்றுமொரு  பரிமாணம்  "தயாரிப்பாளர்கள்" . இளைய  வயது  பையன்களெல்லாம்  கோடிகளில்  படமேடுத்துக்கொண்டிருக்க  மூத்தவர்  150 கோடியில்  படமெடுப்பது  ஆச்சர்யத்துக்குரியதல்ல,

எந்திரன்  - பாடல்கள்  கேட்கும்  வண்ணமில்லை , காது  குடைகிறது , தொலைக்காட்சியில்  போடும்  கிளிப்ஸ்  - பார்க்க  தூண்டுவதாயில்லை , மேலும்  பேட்டியே  கொடுக்காத  மற்றும்  தன்  சொந்த  படத்துக்கு  கூட  பேசாத  ரஜினி -யை  கிட்டத்தட்ட  எந்திரனின் வியாபார  விநியோகஸ்தராக  மாற்றிய  பெருமை  சன்  பிச்சர்ஸ் -க்கு  உண்டு . ஐஸ்வர்யா - நாற்பதை தொட  போகிற  வயதிலும்  திரையில்  அழகாக தெரிகிறார் (நடிப்பில் ???).

பல  இணையவாதிகள்  தங்கள்  ப்ளாக் -களில் , எந்திரனை  கிழி  கிழி  என  கிழித்தும் , காது  கூசும்  அளவுக்கு  புகழ்ந்தும் தள்ளியிருக்கும்  நேரத்தில் , படமே  பார்க்காமல்  நான்  எழுதியிருக்கும்  இவ்  விமர்சனம்  சற்று  வித்தியாசம்தான் .

என்  நண்பர்  ஒருவர்  கேட்டார் , எந்திரனை  பார்த்தீர்களா ?
"இல்லை"
எப்போது  பார்ப்பதாக  உத்தேசம் ,
"அடுத்த  தீபாவளியன்று  சன்  டி.வி - யில்"....

உண்மையான  எந்திரன்  யார்  தெரியுமா ??? கீழே உள்ள இணைப்பை கிளிக்குங்கள் ....   
http://www.youtube.com/watch?v=TxeMgj4kKIg